A
A
Հայաստանի մարմնամարզիկները հավաք են անցկացնում Վրաստանում
Աջակցիր «Ա1+»-ինՀայաստանի սպորտային մարմնամարզության տղամարդկանց հավաքականն այժմ ուսումնամարզական հավաք է անցկացնում Վրաստանի մայրաքաղաք Թբիլիսիում:
Ինչպես տեղեկացնում է Հայաստանի ազգային օլիմպիական կոմիտեի մամուլի ծառայությունը, այդ հավաքին մասնակցում են Հարություն Մերդինյանը, Արթուր Դավթյանը, Արթուր Ավետիսյանը, Գագիկ Խաչիկյանը, երիտասարդներից՝ Համլետ Մանուկյանն ու Մամիկոն Խաչատրյանը: Մարզումները համակարգում են հավաքականի գլխավոր մարզիչ Հակոբ Սերոբյանը, մարզիչներ Հայկ Նազարյանն ու Աշոտ Գասպարյանը:
Մեր մարմնամարզիկներն այժմ պատրաստվում են Հայաստանի 2022թ առաջնությանը, որը մեկնարկելու է փետրվարի 15-ին, Երևանում:
