Առաքել Մարտիկյանը նշանակվել է ԳՇ պետի տեղակալ

Նախագահ Արմեն Սարգսյանը հրամանագիր է ստորագրել, ըստ որի Առաքել Մարտիկյանը նշանակվել է ԶՈՒ ԳՇ պետի տեղակալ։ 

Հրամանագրում ասվում է․

Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 1-ին մասի և 36-րդ հոդվածի 1-ին մասի 1-ին կետի. Առաքել ՄԱՐՏԻԿՅԱՆԻՆ նշանակել Հայաստանի Հանրապետության զինված ուժերի գլխավոր շտաբի պետի տեղակալ:

Գեներալ-մայոր Առաքել Մարատի Մարտիկյանը ծնվել է 1962 թ․ Երևանում

• 1985-87 թթ. ծառայել է Խորհրդային բանակում։
• 1992 թվականից ծառայում է ՀՀ զինված ուժերում։
• Զբաղեցրել է հատուկ նշանակության գնդի շտաբի պետի, Ռուսաստանում ՀՀ դեսպանության ռազմական կցորդի պաշտոնները։
• 2006 թ. նշանակվել է Հայաստանի Հանրապետության զինված ուժերի գլխավոր շտաբի կազմակերպչական-զորահավաքային վարչության պետ։
• 2013 թ. հունիսի 10-ին ՀՀ Նախագահի հրամանգրով ազատվել է Հայաստանի Հանրապետության զինված ուժերի գլխավոր շտաբի կազմակերպչական-զորահավաքային վարչության պետի պաշտոնից։
• 2013 թ. սեպտեմբերի 30-ին ՀՀ պաշտպանության նախարարի հրամանով նշանակվել է Հավաքական անվտանգության մասին պայմանագրի կազմակերպությունում (ՀԱՊԿ) ՀՀ մշտական ներկայացուցչության ՀՀ զինված ուժերի ներկայացուցիչ։