Բացել լրահոսը Փակել լրահոսը
Տիգրան Աբրահամյան
A A
Քաղաքականություն

Դավիթ Տոնոյան, տպավորություն է, որ չխոսելու դիմաց Փաշինյանին գործարք ես առաջարկում. պատգամավոր

ԱԺ «Պատիվ ունեմ» խմբակցության պատգամավոր Տիգրան Աբրահամյանն իր ֆեյսբուքյան էջում գրառում է կատարել՝ Պաշտպանության նախկին նախարար, կալանքի մեջ գտնվող Դավիթ Տոնոյանի վերջին հրապարակման վերաբերյալ. 

«Դավիթ Տոնոյանի հարցազրույցը նայեցի։ Ընկերներիցս մեկի դիպուկ բնորոշմամբ եկել էր Նիկոլին ասելու՝ շեֆ ջան, դու մեղավոր չես, էդ ստահակ տեղեկանք գրողներն են մեղավոր։

Դավիթ Տոնոյան, հարցուպատասխանից տպավորությունն այնպիսին է, որ չխոսելու դիմաց Փաշինյանին գործարք ես առաջարկում։ Մեղքերդ չես քավի, բայց մի կողմ դիր ամեն ինչ, խոսի այն իրականության մասին, ինչ դու ես տեսել 2018-ի հայտնի իրադարձություններից հետո, երբ պաշտպանության նախարար նշանակվեցիր և 44-օրյա պատերազմի այն մանրամասների մասին, որին մի քանի մարդ են տիրապետում»,-գրել է Տիգրան Աբրահամյանը: