Մահացել է Ռիմա Դեմիրճյանը (տեսանյութ)

Քիչ առաջ կյանքին հրաժեշտ է տվել   ՀՀ ազգային հերոս,  քաղաքական պետական գործիչ Կարեն Դեմիրճյանի կինը՝ Ռիմա Դեմիրճյանը։ Այս հոկտեմբերին լրացել էր  նրա 88 տարին։ Նա տնօրինում էր  «Կարեն Դեմիրճյան» բարեգործական հիմնադրամը:

Երկար տարիներ դասախոսելով պոլիտեխնիկական համալսարանում՝  Ռիմա Դեմիրճյանն մի առիթով  ասել է՝  երբեք ամուսնու պաշտոնը չի չարաշահել։

«Ես էլ տան տիրուհին էի, բայց Կարենի գործերին երբեք չեմ խառնվել։ Եթե նա չի ունեցել կարիքը, չի ասել, որ կարծիք է ուզում լսել, չեմ խառնվել։ Ամեն մեկս իր սահմանը գիտեր ու դժվարություն չի եղել»,- նշել է   ՀԿԿ կենտկոմի առաջին քարտուղարի կինը, որին խորհրդային տարիներին իրավամբ կոչում էին՝  Առաջին տիկին։

Ուժեղ կին էր Ռիմա Դեմիրճյանը, որը նույնիսկ 1999թ հոկտեմբերի 27-ից հետո  չդավաճանեց իր եւ ամուսնու սկզբունքներին՝ հայրենիքի շահը ամենից վեր դասերով։

«Ա1+»-ը ցավակցում է Դեմիրճյանների ընտանիքին, հարազատներին, ընկերներին, Ռիմա Դեմիրճյանի ուսանողներին։

Ձեզ ենք ներկայացնում  «Ա1+»-ի վերջին հարցազրույցը նրա հետ։