A
A
Վարազդատ Լալայանը` ծանրամարտի աշխարհի փոխչեմպիոն, Գոռ Մինասյանը՝ բրոնզե մեդալակիր
Աջակցիր «Ա1+»-ինՈւզբեկստանի մայրաքաղաք Տաշքենդում ընթացող ծանրամարտի աշխարհի առաջնության վերջին օրը Հայաստանի ծանրորդները նվաճեցին երկու մեդալ։
Ծանրքաշային Վարազդատ Լալայանը երկամարտի 457 կգ արդյունքով (211+246) գրավեց 2-րդ տեղը և դարձավ աշխարհի փոխչեմպիոն։ Գոռ Մինասյանը 448 կգ արդյունքով (205+243) եզրափակեց առաջին եռյակը և բավարարվեց բրոնզե մեդալով։
Աշխարհի չեմպիոն հռչակվեց վրացի ծանրորդ Լաշա Թալախաձեն, որը կրկին մրցակցությունից դուրս էր։ Նա այս անգամ ցույց տվեց ֆանտաստիկ արդյունք` 492 կգ (225+267):
Թիմային հաշվարկով Հայաստանի հավաքականը զբաղեցրեց 16-րդ տեղը։ Իսկ ահա մեդալների ընդհանուր քանակով Հայաստանը գրավեց 7-րդ հորիզոնականը՝ նվաճելով 10 մեդալ (1+4+5):