A
A
8 մեքենա բախվել են, 80 մեքենա՝ արգելափակվել
Աջակցիր «Ա1+»-ինԱԻՆ-ը թարմացված տվյալներ է ներկայացրել Արագածոտնի մարզում տեղի ունեցած վթարից:
Երեկ ուշ երեկոյան Ծիլքար գյուղում տեղի էր ունեցել ՃՏՊ՝ բախվել են ավտոմեքենաներ, ճանապարհը երկկողմանի փակ էր:
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Ծիլքար գյուղի վերջնամասում տեղի է ունեցել երկու ՃՏՊ, ինչի հետևանքով բախվել են 8 ավտոմեքենա:
Փրկարարներն Արագածի ոստիկանության և ճանապարհը սպասարկող «Հովհաննես Մարտիրոսյան» ՍՊԸ-ի աշխատակիցների հետ համատեղ արգելափակումից դուրս են բերել մոտ 80 տրանսպորտային միջոց․ երթևեկությունը երկկողմանի վերականգնվել է։
