A
A
Մակունցը հեռախոսազրույց է ունեցել ԵԱՀԿ Մինսկի խմբի ամերիկացի համանախագահի եւ պետքարտուղարի փոխտեղակալի հետ
Աջակցիր «Ա1+»-ինՆոյեմբերի 16-ին դեսպան Մակունցը հեռախոսազանգ ունեցավ ԵԱՀԿ Մինսկի խմբի ամերիկացի համանախագահ Էնդրյու Շոֆերի հետ և ներկայացրեց Ադրբեջանի կողմից սանձազերծված ռազմական գործողությունների հետևանքով ՀՀ ինքնիշխան տարածքում ներկայումս ստեղծված իրավիճակը:
Դեսպանն ընդգծեց միջազգային հանրության թիրախային դատապարտող հայտարարությունների անհրաժեշտությունը:
Լիլիթ Մակունցը հեռախոսազանգ է ունեցել նաեւ ԱՄՆ պետքարտուղարի՝ Եվրոպական ու եվրասիական հարցերով գլխավոր փոխտեղակալ Դերեք Հոգընի հետ:
Հեռախոսազանգի ընթացքում դեսպանը ներկայացրել է Ադրբեջանի զինուժի ռազմական ագրեսիայի հետևանքով ՀՀ սահմաններում տիրող իրավիճակը: Դեսպան Մակունցը շեշտել է միջազգային հանրության անհապաղ թիրախային կոչերի անհրաժեշտությունը՝ դատապարտելու Ադրբեջանի կողմից ձեռնարկված ռազմական գործողությունները ՀՀ ինքնիշխան տարածքի նկատմամբ:
Այս մասին հայտնում է ԱՄՆ-ում ՀՀ դեսպանությունը։