Տեղի ունեցավ «Տարածության հարմոնիա. Գուրգեն Մուշեղյան» փաստագրական ֆիլմի պրեմիերան
Աջակցիր «Ա1+»-ինԱյսօր` հոկտեմբերի 15-ին, «Մոսկվա» կինոթատրոնում տեղի ունեցավ «Տարածության հարմոնիա. Գուրգեն Մուշեղյան» փաստագրական ֆիլմի երևանյան պրեմիերան:
Ֆիլմի առաջնախաղին ներկա էին ճարտարապետի ոչ միայն ընկերները, գործընկերները, հարազատներն ու ուսանողները, այլև արվեստի, գիտության և մշակույթի գործիչներ:
Ֆիլմն առանձնահատուկ է նրանով, որ Գուրգեն Մուշեղյանն անձամբ է մասնակցել ֆիլմի ստեղծմանը՝ ստեղծագործական քննարկումներին:
Նկարահանումներն ավարտվելուց 5 օր անց Գուրգեն Մուշեղյանը մահացել է: Հետարտադրական փուլում ստեղծագործական խումբը փորձել է անել առավելագույնը, որպեսզի այն լինի վարպետի տեսլականով:
Նկարահանումները տեղի են ունեցել վարպետի հարազատ քաղաքներում՝ Գյումրիում, Երևանում, ինչպես նաև՝ Մոսկվայում: Ֆիլմի ստեղծման աշխատանքները համընկել են համավարակի, ապա նաև պատերազմի հետ, որը կրկնակի, եռակի անգամ դժվարացրել ու սահմանափակել է ստեղծագործական խմբի աշխատաքները:
Ֆիլմում հնչում է Գուրգեն Մուշեղյանի դստեր` կոմպոզիտոր Արաքսյա Մուշեղյանի ստեղծագործությունը:
Նշենք, որ ֆիլմի գլխավոր պրոդյուսերն է Հայկ Օրդյանը, իսկ Գուրգեն Մուշեղյանի մյուս դուստրը` Աննա Մուշեղյանը, հանդիսանում է ֆիլմի համապրոդյուսերը:
