A
A
Օդանավի անսարքության պատճառով Արարատ Միրզոյանը չի կարողացել մեկնել Դուշանբե
Աջակցիր «Ա1+»-ինՕդանավի անսարքության պատճառով ՀՀ արտաքին գործերի նախարար Արարատ Միրզոյանը չի կարողացել մեկնել Դուշանբե՝ մասնակցելու ՀԱՊԿ նիստին։ Այս տեղեկությունը Sputnik Արմենիային հաստատեց ԱԳՆ մամուլի խոսնակ Վահան Հունանյանը։ «Ինքնաթիռի անսարքության պատճառով չի մեկնել Դուշանբե։ Բայց մեկնելու է վաղը», – ասաց Հունանյանը։
Նշենք` Դուշանբեում ՀԱՊԿ նիստին մասնակցում են ՀԱՊԿ անդամ երկրների արտաքին գործերի և պաշտպանության նախարարները, անվտանգության խորհրդի քարտուղարները։ Բացի այն, որ Հայաստանից նիստին չի մասնակցել Արարատ Միրզոյանը, ներկա չի եղել նաև ՊՆ ղեկավար Արշակ Կարապետյանը։ ՀԱՊԿ–ի ԱԳՆ և ՊՆ ղեկավարների խորհուրդների հաջորդ նիստը կկայանա Հայաստանում. Զաս Արդեն հայտնել էինք, որ ՀԱՊԿ նիստին այսօր ելույթ է ունեցել ՀՀ ԱԽ քարտուղար Արմեն Գրիգորյանը։
