Բացել լրահոսը Փակել լրահոսը
MHM54879
A A
Քաղաքականություն

Աղվան Հովսեփյանը կկալանավորվի

Դատարանը Հայաստանի նախկին գլխավոր դատախազ, Քննչական կոմիտեի նախկին նախագահ Աղվան Հովսեփյանին երկու ամսով կալանավորելու որոշում է կայացրել՝ բավարարելով Հատուկ քննչական ծառայության (ՀՔԾ) միջնորդությունը, «Ազատությանը» փոխանցում են ՀՔԾ-ից։ Հովսեփյանը երեկ էր ձերբակալվել փողերի լվացման, կաշառք ստանալու, խարդախությամբ գույք հափշտակելու մեղադրանքով:

Ըստ իրավապահների, 68-ամյա Հովսեփյանը, որը 2004-ից դատախազի, ապա Քննչական կոմիտեի նախագահի պաշտոններ է զբաղեցրել, պաշտոնավարման տարիներին օրինականացրել է ավելի քան 1 միլիարդ 300 միլիոն դրամ, մասնակցել է ձեռնարկատիրական գործունեություն իրականացնող մի շարք ընկերությունների կառավարմանը, ստացել է առանձնապես խոշոր չափերով` 190 միլիոն դրամ կաշառք և խարդախությամբ հափշտակել է 800 միլիոն դրամ գույք։

Թե ինչ ընկերությունների և գույքի մասին է խոսքը, իրավապահները չեն բացահայտում։ Նախկին գլխավոր դատախազի պաշտպան Գագիկ Խաչիկյանը երեկ հայտարարել է, որ Հովսեփյանը մեղադրանքը չի ընդունում և մարտական է տրամադրված: