Հանցագործներն ու բանդիտները շարունակում են իրենց հանցակից տեսնել այս դատարանը․ Բաբաջանյան (տեսանյութ)
Աջակցիր «Ա1+»-ինՍահմանադրական դատարանում Հայաստանում կայացած արտահերթ խորհրդարանական ընտրությունների արդյունքների վիճարկման գործի դատաքննության նիստին զուգահեռ Սահմանադրական դատարանի դիմաց հավաք է անցկացնում «Հանուն Հանրապետության» կուսակցությունը:
«Հանուն Հանրապետության» կուսակցության առաջնորդ Արման Բաբաջանյանը նշեց, որ ՍԴ նիստին զուգահեռ իրենք հավաք են անցկացնում, քանի որ կարծում են, որ դիմումներում, որոնք ներկայացվել են ՍԴ, անհեթեթ հիմնավորումներ են դրված: «Մենք այստեղ ենք ի պաշտպանություն ժողովրդավարության, որովհետև, թեև ընտրությունների արդյունքները և քաղաքական նոր ձևավորված միջավայրը մեզ համար անընդունելի է, բայց սա ժողովրդի ազատ կամարտահայտման արդյունքն է, և մենք պահանջում ենք դատարանից և քաղաքական մյուս սուբյեկտներից հարգել այս արդյունքը և երկիրն անընդհատ ցնցումների մեջ չպահել»,- ասաց Բաբաջանյանը:
