A
A
Լոռու մարզպետը հերքում է Օձունի համայնքապետին ծեծելու մասին լուրերը
Աջակցիր «Ա1+»-ինԼոռու մարզպետ Արամ Խաչատրյանը հերքում է լուրերը, թե ծեծել է Օձուն համայնքի ղեկավար Արսեն Տիտանյանին։ Այդ մասին Խաչատրյանը նշեց կառավարության նիստի մեկնարկից առաջ լրագրողների հետ կարճատև զրույցում:
«Նման բան չի եղել», - ընդգծեց Լոռու մարզպետը:
Մարդու իրավունքների պաշտպան Արման Թաթոյանին էր դիմել «Հայաստան» դաշինքի շտաբի ղեկավար Արմեն Գևորգյանը և տեղեկացրել, որ Լոռու մարզի Օձուն համայնքի ղեկավար Արսեն Տիտանյանին իր մոտ է կանչել մարզպետը և ներկայացրել հրաժարականի դիմում գրելու անօրինական պահանջ: Ըստ Արմեն Գևորգյանի` Օձուն համայնքի ղեկավարը հրաժարվել է կատարել Լոռու մարզպետի պահանջը, որից հետո պահանջը չկատարելու համար մարզպետարանի շենքում, 7-8 մարդու ներկայությամբ, նրան ծեծի են ենթարկել:
