Բացել լրահոսը Փակել լրահոսը
armen-charchyany-kalanavorvec-n214364-1
A A
Պաշտոնական

«Հայաստան» դաշինիքի թեկնածու Արմեն Չարչյանին մեղադրանք է առաջադրվել. նա կալանավորվել է

ՀՀ ԱԺ արտահերթ ընտրություններին մասնակցող «Հայաստան» դաշինքի թեկնածուի կողմից նախընտրական փուլում իրեն ենթակա աշխատակիցների նկատմամբ ճնշում գործադրելու վերաբերյալ համացանցում տարածված ձայնագրության փաստով ՀՀ հատուկ քննչական ծառայությունում քննվող քրեական գործով ձեռք բերված բավարար ապացույցների համակցության հիման վրա, ՀՀ քրեական օրենսգրքի 154.2-րդ հոդվածի 4-րդ մասի 2-րդ կետով նախատեսված հանրորեն վտանգավոր արարք կատարելու համար, այն է` ծառայողական կախվածությունն օգտագործելով ընտրություններին մասնակցելուն և կուսակցությունների դաշինքի օգտին կողմ քվեարկելուն հարկադրելը, 21.06.2021թ.-ին մեղադրանք է առաջադրվել «Հայաստան» դաշինիքի թեկնածու Ա.Չ.-ին: 

Նույն օրը ՀՀ հատուկ քննչական ծառայության քննիչի կողմից միջնորդություն է ներկայացվել դատարան` Ա.Չ.-ի նկատմամբ կալանավորումը որպես խափանման միջոց ընտրելու համար, որը 23.06.2021թ.-ին բավարարվել է:

Քրեական գործով նախաքննությունը շարունակվում է:



Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: