Արման Դարչինյանը 10-րդ օլիմպիական ուղեգիրը նվաճեց Հայաստանի համար
Աջակցիր «Ա1+»-ինՓարիզում ընթացող բռնցքամարտի վարկանիշային մրցաշարում Հայաստանը ներկայացնող բռնցքամարտիկ Արման Դարչինյանը քառորդ եզրափակիչ փուլում առավելության հասավ վրացի Գեորգի Կխարաբաձեի նկատմամբ և նվաճեց Տոկիոյի խաղերի ուղեգիր:
Առաջին ռաունդում մեր մարզիկը միավորներով զիջեց մրցակցին, սակայն 2-րդ ռաունդում կարողացավ հաղթանակի նժարը թեքել իր կողմը. վանաձորցի բռնցքամարտիկը նախ տիրեց կենտրոնին, ապա սկսեց ավելի շատ ու դիպուկ հարվածներ հասցնել: Արդյունքում, 2-րդ ռաունդում բոլոր 5 մրցվարները միաձայն հաղթանակ շնորհեցին մեր բռնցքամարտիկին: Երրորդ ռաունդում Արման Դարչինյանը շատ գրագետ աշխատեց և ի վերջո հաղթեց 3:2 հաշվով: Նա կշարունակի պայքարը մեդալների համար:
Սա մեր բռնցքամարտիկների նվաճած 2-րդ օլիմպիական ուղեգիրն էր, իսկ ընդհանուր առմամբ 10-րդը Հայաստանի համար: Փարիզում օլիմպիական ուղեգիր նվաճելու հնարավորություն ունի նաև Անի Հովսեփյանը:
