Որևէ բան չի հուշում, որ Ադրբեջանի կողմից մեր ջրային ռեսուրսների թունավորման փորձ է եղել․ Անահիտ Ավանեսյան
Աջակցիր «Ա1+»-ինԱռողջապահության նախարարի պաշտոնակատար Անահիտ Ավանեսյանն այսօր Կառավարության նիստից հետո լրագրողների հետ ճեպազրույցում անդրադարձավ Սիսիանում բնակիչների թունավորման դեպքին․
«Վերցվել են նմուշներ ջրի բոլոր կետերից, և հիմա իրականացվում են փորձաքննություններ, շուտով դրանք կավարտվեն, և մենք համապարփակ ձևով տեղեկատվություն կտրամադրենք»,- նշեց նա։
Ավանեսյանն ասաց՝ որևէ արտասովոր բան չկա, որևէ բան չի հուշում, որ Ադրբեջանի կողմից մեր ջրային ռեսուրսների թունավորման փորձ է եղել․
«Դա անձրևաջրերի և կոյուղու ջրատարի անսարքության խնդիր էր և արդեն իսկ ուղղվել է»։
Հիշեցնենք՝ Առողջապահության նախարարությունը հայտնել էր, որ Սիսիան համայնքում արձանագրվել է աղիքային վարակներին բնորոշ ախտանշաններով 296 դեպք (դեպքերից 281-ը մինչև 18 տարեկան են, իսկ 15-ը՝ մեծահասակ):
Լուրեր էին շրջանառվում այն մասին, որ ադրբեջանցիները թունավորել են մեր աղբյուրներից մեկը։