Ռոբերտ Քոչարյանի, Հայ Յեղափոխական Դաշնակցություն և «Վերածնվող Հայաստան» կուսակցությունների քաղաքական համագործակցության մեկնարկը տրվեց։

Քիչ անց Ռոբերտ Քոչարյանը, ՀՅԴ Հայաստանի ԳՄ ներկայացուցիչ Իշխան Սաղաթելյանը, «Վերածնվող Հայաստան» կուսակցության առաջնորդ Վահե Հակոբյանը ստորագրելու են  դաշինք, որը կրելու է «Հայաստան» անվանումը։

Ռոբերտ Քոչարյանը իր ելույթում բացատրեց, ինչու է որոշել ղեկավարել այս դաշինքը։ Ըստ նրա՝ մեր երկիրը այժմ անվտանգային սպառնալիքների առաջ է, երկիրը ունի տնտեսական և կառավարման ճգնաժամ, կա նաեւ ինքնության ճգնաժամ։

Իսկ  ինքն ունի մեծ կառավարման փորձ եւ այդ համագործակցությունը արդյունք կտա ՀՅԴ-ի եւ «Վերածնվող Հայաստան» -ի հետ։

Ըստ  Ռոբերտ Քոչարյանի' այս իշխանությունը մեր պարտության խորհրդանիշն է, դեմքը և ձայնը, իսկ այսպես մենք ապագա կառուցել չենք կարող։

«Հնարավոր չէ առաջ գնալ՝ նման կնիք ժողովրդի ճակատին ունենալով, այս իշխանությունը բերում է մահ, բերում է տառապանք և ավերում է այն ինչին դիպչում է»,-նշեց Քոչարյանը։

Նա նաև հայտարարեց միայն իշխանափոխությունից հետո է հնարավոր լինելու դավաճանության վերաբերյալ մի շարք հարցերի պատասխաններ գտնելը։

Ըստ նրա' այս իշխանությունը քանդում է նաեւ տնտեսությունը․ այս երեք տարիների ընթացքում աճել է միայն աղքատությունը և գերեզմանների քանակը։

Քոչարյանը հայտնեց, որ իրենց   դաշինքը դատարկ խոստումներ չի տալու, փոխարենը ժողովուրդը զգալու է իրական փոփոխությունները եւ  ունենալու ենք գիտահեն տնտեսություն և զարգացած գյուղատնտեսություն։