Խորհրդարանն առաջին ընթերցմամբ ընդունեց ԸՕ փոփոխությունների փաթեթը (տեսանյութ)
Աջակցիր «Ա1+»-ինՀՀ Ազգային ժողովի պատգամավորների նախաձեռնությամբ գումարված արտահերթ նիստում առաջին ընթերցմամբ ընդունվեց ««ՀՀ ընտրական օրենսգիրք» սահմանադրական օրենքում փոփոխություններ եւ լրացումներ կատարելու մասին» օրենսդրական փաթեթը Այն հեղինակել է ՀՀ ԱԺ «Իմ քայլը» խմբակցությունը։2021 թվականի մարտի 4-ին նախագիծը դրվել է շրջանառության ՝ միաժամանակ ուղարկվել ԵԽ Վենետիկի հանձնաժողովին եւ ԵԱՀԿ/ԺՀՄԻԳ համատեղ կարծիք ստանալու համար: Այն ստացվել է ապրիլի 22-ին:
«Օրենսդրական փաթեթի վերաբերյալ ԵԽ Վենետիկի հանձնաժողովը տվել է դրական եզրակացություն, եւ հաշվի առնելով այն հանգամանքը, որ օրինագիծը եղել է մեր քաղաքական թիմի հանձնառությունը՝ մենք նպատակ ունեինք այն քննարկելու եւ ընդունելու մինչեւ Ազգային ժողովի արձակումը»,- ասաց ՀՀ ԱԺ «Իմ քայլը» խմբակցության ղեկավար Լիլիթ Մակունցը։
Փաթեթի երկրորդ ընթերցմամբ քննարկումը կազմակերպելու է առաջին ընթերցմամբ ընդունելուց հետո՝ 24 ժամվա ընթացքում, իսկ գրավոր առաջարկները, ինչպես նաեւ գլխադասային հանձնաժողովի եզրակացությունը ներկայացնելու համար սահմանվել է ութական ժամ:
Նշենք, որ օրենսդրական փոփոխությունները չեն անդրադառնալու հունիսի 20-ին նախատեսվող ԱԺ արտահերթ ընտրությունների վրա:
