Բացել լրահոսը Փակել լրահոսը
A A
Քաղաքականություն

Կարծում եմ՝ Օնիկ Գասպարյանը տեղյակ չէ, որ քննիչ հանձնաժողովը կղեկավարի Անդրանիկ Քոչարյանը․Մարուքյան (տեսանյութ)

Քննիչ հանձնաժողով ստեղծելու Օնիկ Գասպարյանի առաջարկը ուշացած է, որովետև ԼՀԿ-ն փաստահավաք պարիտետային հանձնաժողով ստեղծելու մասին խոսել է հրադադարի հաստատումից անմիջապես հետո։ Այս մասին ԱԺ-ում  լրագրողների հետ զրույցում ասաց ԼՀԿ ղեկավար Էդմոն Մարուքյանը։

Նրա խոսքով, եթե ստեղծվի քննիչ հանձնաժողով, այն ղեկավարելու է Անդրանիկ Քոչարյանը, եթե Օնիկ Գասպարյանը վստահում է այս իշխանությանը, թող ստեղծեն․

«Ես կարծում եմ, որ պարոն գեներալն ուղղակի տեղյակ չէ, որ ԱԺ կանոնանակարգ օրենքով պաշտպանական հարցերի քննիչ հանձնաժողովն ստեղծվում է հանձնաժողովի հենքի վրա, իսկ դա նշանակում է, որ հանձնաժողովը կղեկավարի Անդրանիկ Քոչարյանը։  Մենք այս հարցով իշխանություններին վստահելու բան չունենք։ Ես կարծում եմ, որ պարոն Գասպարյանը նույնպես չի վստահում, որովհետև հայտարարել է, որ խեղաթյուրել են Անվտանգության խորհրդի նիստի արձանագրությունները։ Մի իշխանություն, որն, ըստ պարոն գեներալի, խեղաթյուրում է ԱԽ նիստի արձանագրությունը, էդ իշխանությունից ո՞նց է պահանջում ստեղծել քննիչ հանձնաժողով»,-հավելեց Մարուքյանը։

Ըստ Մարուքյանի՝ լուծումը պարիտետային հանձնաժողովի ստեղծումն է։

Մարուքյանն անդրադարձավ նաև Սուրեն Պապիկյանի քննադատություններին, թե ԼՀԿ-ն խորհրդարան է անցել Նիկոլ Փաշինյանի շվաքի տակ․

 «Պարոն Պապիկյանին խորհուրդ եմ տալիս 2017 թվականի ընտրությունների տվյալներն ուսումնասիրել, մի հատ տեսնել ինքն ինչքան ձայներ է հավաքել, ես ինչքան ձայն եմ հավաքել։ Հետո կորոշենք՝ ով է ում ստվերի տակ։ Ուզում եմ հիշեցնել, «Քաղաքացիական պայմանագիր» կուսակցության խորհուրդը փակ գաղտնի քվեարկությամբ ինձ ընտրել է Ելք դաշինքի առաջին համար։ Էդ ո՞վ ա ում ստվերում եղել, Նիկոլ Փաշինյանին էլ երրորդ համար»,- պարզաբանեց Էդմոն Մարուքյանը։

ԼՀԿ ղեկավարը նաև հիշեցրեց՝ 2018 թվականի ընտրություններին իրենց ելույթները եղել են այն մասին, որ խորհրդարան են գնում որպես  ընդդիմություն․

«Հետևաբար, այդ շահարկումներն այն մարդիկ են անում, ովքեր ամբողջ կյանքի ընթացքում ստվեր են փնտրել, որ ստվերի տակ կանգնեն»։