A
A
Ռեյտինգայինից հրաժարվելու նախագիծն ընդունվեց երկրորդ ընթերցմամբ և ամբողջությամբ (տեսանյութ)
Աջակցիր «Ա1+»-ինԱզգային ժողովն երկրորդ ընթերցմամբ և ամբողջությամբ ընդունեց ՀՀ «Ընտրական օրենսգիրք» սահմանադրական օրենքում փոփոխություններ և լրացումներ կատարելու հարցը։
Սա նշանակում է ռեյտինգային ընտրակարգից անցում կատարել համամասնական ընտրակարգի։
Հարցի երկրորդ ընթերցմանը կողմ քվեարկեց 82 իշխանական պատգամավոր։
Ընդդիմադիր ԼՀԿ-ն և ԲՀԿ-ն այս անգամ ևս քվեարկությանը չմասնակցեցին։
Հիշեցնենք՝ ԼՀԿ ղեկավար Էդմոն Մարուքյանը հայտարարել էր, թե սա խաղին ընդառաջ՝ խաղի կանոնները փոխել է նշանակում և առանց ընդդիմության ԱԺ-ում ընտրական օրենսգիրք փոխելը ի սկզբանե ընտրությունների լեգիտիմությունը դնում է կասկածի տակ։
ԲՀԿ-ն իր հերթին հայտարարել էր, որ իրենց համար միևնույնն է՝ ռեյտինգային, թե համամասնական ընտրակարգով կգնան ընտրությունների։
