Ցանկացած ընտրություն շոկ է, իսկ մենք դեռ հետպատերազմյան շոկից դուրս չենք եկել. անկախ պատգամավոր (տեսանյութ)

Ցանկացած ընտրություն շոկ է, իսկ մենք դեռ հետպատերազմյան շոկից դուրս չենք եկել։ Այս կարծիքին է ԱԺ իշխանական նախկին, այժմ՝ անկախ պատգամավոր Գոռ Գևորգյանը։

Նրա խոսքով՝ շատ մեծ մտահոգության տեղիք է տալիս նաև վերջին շրջանում շիկացած մթնոլորտը, իսկ այս պայմաններում ընտրությունների գնալը մեծ խնդիրներ կարող է առաջացնել․

«Մեծ հանրային աշխատանք պետք է տարվի, որպեսզի այս լարված մթնոլորը մարդկանց միջից դուրս գա»։

Գևորգյանը համոզմունք հայտնեց՝ մեր երկրում իշխանությունը պատկանում է ժողովրդին, և ժողովուրդն էլ իր քվեով կորոշի՝ ում է ուզում տեսնել որպես իշխանություն։

Պատգամավորը համոզված է՝ գործող ընտրական օրենսգիքը պետք է ենթարկվի որոշակի փոփոխությունների, նոր միայն պետք է խոսել որակյալ ընտրությունների մասին։

Հարցին, թե մասնակցելո՞ւ է քաղաքական գործընթացներին, Գևորգյանն ասաց՝ կոնկրետ առաջարկ չի ստացել, ստանալու դեպքում կքննարկի։