ՀՀ-ում  սեյսմիկ առաջին  նորմերը մշակվել  և կիրարկման են դրվել 1994 թվականին, առաջին անգամ վերանայվել են 1998 թվականին, որի արդյունքում ավելացվել են ընդամենը երկու բաժիններ՝ տրանսպորտային և հիդրոտեխնիկական շինարարության բաժինները։

«2006 թվականին  արդեն  անհրաժեշտություն առաջացավ վերանայել այդ նորմերը, քանի որ 12 տարիների ընթացքում հայտնաբերվել էին որոշ վրիպումներ, անհրաժեշտություն կար վերանայելու և նորովի ներկայացնելու առաջին նորմերը»,-ասում է  Ճարտարապետության և շինարարության Հայաստանի ազգային համալսարանի գիտխորհրդի քարտուղար, դոցենտ Լևոն Լևոնյանը։

Աշխատանքներն իրականացնելու համար մրցույթ հայտարարվել է մրցույթ, որի արդյունքում Ճարտարապետության և շինարարության Հայաստանի ազգային համալսարանին հանձնարարվել է իրականացնել վերանայման ծրագիրը։

Շինարարության ֆակուլտետի դեկան, դոցենտ Դավիթ Գրիգորյանը մանրամասնում է, որ 2018 թվականին անհրաժեշտություն է առաջացել գործող սեյսմակայուն շինարարության նախագծման նորմերը փոփոխել, վերամշակել, քանի որ սեյսմիկ վտանգի գոտիավորման քարտեզն էր փոփոխվել, բացի դա սովորաբար նածագծման նորմերը տասը տարին մեկ վերանայման կարիք են ունենում, քանի որ փոխվում են տեխնոլոգիաները, հաշվարկի մեթոդները․

 «Պայմանագիրը կնքելուց հետո ձևավորվեց մասնագիտական խումբ, որի աշխատանքները տևեցին մոտ մեկ ու կես տարի, և 2020-ի վերջին  հաստատվեցին ու ուժի մեջ մտան՝ երկրաշարժադիմացկունության նախագծման նորմեր անվանմամբ»։

Ճարտարապետության և շինարարության Հայաստանի ազգային համալսարանի շինարարական կոնստրուկցիաների ամբիոնի վարիչ, դոկտոր-պրոֆեսոր Տիգրան Դադայանը նշում է, որ այս նորմերում բավականին շատ են փոփոխությունները․ «Փոփոխությունը կատարվել է նաև երկաթբետոնային կոնստրուկցիայի ոլորտում։ Պարզ, օրինակ,  նախկինում մենք օգտագործում էինք ամրաններ, որոնք, ըստ նորմերի,  չէին թույլատրվում կիրառել։ Հիմա ներառված են ամրանների տեսակներ, որոնք թույլատրելի են»,-ասում է Տիգրան Դադայանը։

Նրա խոսքով՝  նախկինում մեզ մոտ չկար ոչ մի ձևով սահմանված, թե ի՞նչ է կոչվում դիագրաֆամա, ի՞նչ չափեր պետք է ունենա, ի՞նչ բացվածքներ են թույլատրվում և այլն։ Այս նորմերում դրանք հստակեցված են։

Հաջորդ գլխավոր կետը, նրա շեշտադրմամբ,  վերաբերում է սալիկներին, շենքերի սալիկապատումներին, որոնք երկրաշարժի ժամանակ շատ խոցելի են․ «Դրանք կարող են ամբողջովին փլուզվել երկրաշարժերի ժամանակ։ Այս նորմերում հստակ սահմանափակումներ են ներկայացված։  Մյուսը վերաբերում է միջնորումներին։ Հիմա, բարձր շենքերում սահմանափակվել են դրանց կիրառումները, քանի որ դրանք ևս վտանգներ են ներկայացնում»,-նշեց նա։

Մասնագետների խոսքով՝ տվյալ նորմերի հաշվարկի դեպքում շենքը կամ կառույցը կլինի հնարավորինս ապահով․ այսինքն, բալային համակարգով 8-9 բալ երկրաշարժի դեպքում մարդկանց կյանքին ոչ մի բան պետք է չսպառնա։  Մանրամասները՝ տեսանյութում։