Բացել լրահոսը Փակել լրահոսը
A A
Հասարակություն

Անհետ կորած զինծառայողների հարազատների ակցիան ՌԴ դեսպանության դիմաց (տեսանյութ)

Անհետ կորած զինծառայողների հարազատներն այսօր հավաքվել էին ՌԴ դեսպանության դիմաց և ցանկանում էին նամակ հանձնել դեսպանին։ Նամակում 40 անհետ կորած զինծառայողների անուններ էին։

Հարազատները նշում են, որ մեկ անգամ արդեն  նամակ հանձնել են դեսպանատան աշխատակիցներից  մեկին, բայց վստահ չեն, որ այն դեսպանին հասել է։ Այսօր կրկին դեսպանատան ներկայացուցիչներից մեկը դրսում էր, բայց հարազատներն այժմ ցանկանում են, որ դեսպանն անձամբ ինքը դուրս գա, վերցնի նամակը։ 

Ծնողներից մեկն ասաց, որ իրենց հանգստության համար ցանկանում են նրան ևս դիմել՝ հույս ունենալով, որ տղաներին գտնելու համար դեսպանը քայլեր կձեռնարկի։

Հավաքվածների խոսքով՝ իրենք պատրաստ են հարցը լուծելու ընդունակ ցանկացած ուժի դիմել։ Նշում են, որ եթե դեսպանն իրենց չընդունի, կգնան ՀՀ երկրորդ նախագահ Ռոբերտ Քոչարյանի գրասենյակ և կհանձնեն նամակը նրան։

Քանի որ դեսպանը դուրս չեկավ և չվերցրեց նամակը, ծնողներից մեկը տղաների անուններով թուղթը հանեց ծրարից, ծրարը պատռեց և այն գցեց դեսպանին ուղղված նամակների համար հատկացված արկղի մեջ։