Վեճ՝ անհետ կորածների ծնողների և ցուցարարների միջև (տեսանյութ)
Աջակցիր «Ա1+»-ինՎարչապետ Նիկոլ Փաշինյանի հրաժարականի պահանջով ընդդիմության բողոքի ակցիային զուգահեռ Կառավարության մոտ են հավաքվել նաև անհետ կորած զինծառայողների հարազատները։
Անհետ կորած զինծառայողներից մեկի հարազատի և ցուցարաների միջև վեճ տեղի ունեցավ։
«Այդ մարդը 10 րոպեն մեկ մոտենում է մեզ ու ասում՝ կորցրել եմ զավակիս, մի արեք ակցիա, որ գնամ օգնեմ։ Բացատրում ենք, որ ակցիան կապ չունի, բայց 10 րոպեն մեկ մոտենում է»,- ասացին ակցիայի մասնակիցները։
ՀՅԴ անդամ Գեղամ Մանուկյանը նշեց, որ Նիկոլ Փաշինյանն ու իր օգնականը անհետ կորածների ծնողներին լարում են ցուցարարների դեմ․
«Նիկոլ Փաշինյանը այնքան սրիկա է, որ թաքնվում է անհետ կորածների ծնողների ողբերգության հետևում, որևէ արժանապատվություն չունի»,-հայտարարեց Մանուկյանը։
Հիշեցնենք կառավարության մոտ ակցիան շարունակվում է վաղ առավոտից, կան բերման ենթարկվածներ, ցուցարաները շրջափակել էին Կառավարության շենքը, որպեսզի խափանեն այսօրվա նիստը, ինչը սակայն կայացավ։
Կառավարության մոտ իրավիճակը շարունակում է լարված մնալ։
