A
A
«Արայիկ Հարությունյանը հենց հիմա, լի էներգիայով եւ ուժով». Սեմյոն Պեգովը կիսվել է տպավորություններով
Աջակցիր «Ա1+»-ինՌուս զինվորական թղթակից, WarGonzo նախագծի հեղինակ Սեմյոն Պեգովը տելեգրամի իր ալիքում լուսանկար է հրապարակել Արցախի նախագահ Արայիկ Հարությունյանի հետ հանդիպումից:
«Արայիկ Հարությունյանը հենց հիմա, ողջ ու առողջ, լի էներգիայով եւ ուժով՝ ի հեճուկս ամեն ինչի, շատ լավ շփվել ենք Մարտունիի և Քարինտակ գյուղի հատվածներում տեղի ունեցած մարտերի, Ռուսաստանի եւ Արցախի բարեկամության մասին, ինչպես նաև այն մասին, թե ինչու է նա պարբերաբար այցելում առաջնագիծ՝ վտանգելով իր կյանքը»,- գրել է Պեգովը:
Ռուս զինթղթակիցը նաև նշել է, որ խոսակցությունը չի ձայնագրվել, սակայն Արայիկ Հարությունյանը թույլ տվել է կիսվել որոշակի մանրամասներով, որն առաջիկայում կհրապարակի:
Պեգովի խոսքերը մեջ է բերել ԱՀ նախագահի խոսնակ Վահրամ Պողոսյանը՝ լուսանկար հրապարակելով:
