Իտալական Պալերմոյի Քաղաքային խորհուրդը միաձայն ճանաչել է Արցախի Հանրապետության անկախությունը

Արցախի Հանրապետության ԱԳՆ-ից հայտնում են.

«Իտալիայի Պալերմո քաղաքի Քաղաքային խորհուրդը միաձայն ճանաչել է Արցախի Հանրապետության անկախությունը:

Քաղաքային խորհուրդը դատապարտել է Ադրբեջանի ագրեսիան Արցախի խաղաղ բնակչության նկատմամբ և հասարակական օբյեկտները թիրախավորելու բազմաթիվ դեպքերը:

Ստորև ներկայացնում ենք որոշման ոչ պաշտոնական հայերեն թարգմանությունը։

Հաշվի առնելով, որ

Մի քանի շաբաթից ավել Արցախի Հանարապետության (Լեռնային Ղարաբաղ) քաղաքացիական խաղաղ բնակչությունը և բոլոր հաստատությունները (հիվանդանոցները, դպրոցները, բնակավայրերը, քաղաքացիական պաշտպանության կենտրոնները ներառյալ), հրանոթակոծվում են և ավերվում են հրթիռային հարձակումներից Ադրբեջանի զինված ուժերի կողմից, Թուրքիայի բանակի զինվորականների ակնհայտ և հայտարարված օգնությամբ, որոնց օգնում են իսլամիստ ահաբեկիչները՝ հատուկ բերված Սիրիայից Թուրքիայի միջոցով:

Արցախի Հանրապետությունը (Լեռնային Ղարաբաղ) մի խորհրդանիշ է ողջ հայ ժողովրդի համար, որը սփռված է աշխարհով մեկ Օսմանյան Թուրքիայի կողմից իրականացված 20-րդ դարի առաջին Ցեղասպանության հետևանքով:
Իր լեռների մեջ հնագույն հայկական քաղաքակրթությունը դարերով սրնդից սերունդ է անցել: Այստեղից են կյանք առել պատմական տարբեր ժամանակաշրջանում մշակութային վերածննդի նախաձեռնություններ և ազգային ինտեգրման և ինքնավարման շարժումներ:
Արցախի Հանարպետությունը (Լեռնային Ղարաբաղ) ավելի քան մեկ դար է պահանջում է կցումը Հայաստանին՝ նախկինում Սովետական Հանրապետության և արդեն երեսուն տարի՝ ինքնիշխան երկրին:
Եկել է ժամանակը, որ ամբողջ աշխարհի կառավարական կենտրոնները պաշտոնապես ճանաչեն այս Երկիրը, որը արդեն դե ֆակտո հանրապետություն է իր պետական կառուցվածքով և կառավարմամբ ՝ ժաղովրդավարությամբ ընտրված սեփական ժողովրդի կողմից:

Հայկական ծագումով Իտալիայի քաղաքացիները, միավորված Իտալիայի Հայերի Միությունում, հայցում են Իտալիայի պետական մարմիններին ճանաչել այս փոքրիկ Երկիրը, որպեսզի անմիջականորեն դառնա մեր Կառավարության շահառու զրուցակիցը:

Այս գործողությամբ ոչ միայն կօգնենք վերականգնել պատմական և ներկա ճշմարտությունը, այլ նաև կօգնենք դադարեցնել ռազմական հզոր հարձակումները, որոնք կատարվում են թուրք-ազերա-ահաբեկչական եռամիասնության կողմից, որ բազմաթիվ մահերի, քաղաքացիական բնակչության կազմում մեծ թվով վիրավորների և ենթակառուցվածքների ավերման պատճառ է:

Նկատի առնելով, որ

 Այս գործողությունները տեղի են ունենում՝ որպես հայկական տարածքի վրա հարձակման շարունակություն, որը տեղի էր ունեցել ավելի քան երկու ամիս առաջ: Ադրբեջանի Հանրապետության ագրեսորի քաղաքականությունը, որին միշտ աջակցում է թուրքական կառավարությունը ռազմական խորհրդատուների իր ներկայությամբ, և որն արդեն մեկ ամիս ամրանում է Սիրիայից Ադրբեջան իսլամիստ ահաբեկիչների տեղափոխմամբ, հող է պատրաստում Կովկասի վերջնական ապակայունացման համար, մի տարածք, որտեղով անցնում են Եվրոպայի համար կարևորագույն գազամուղներն և նավթամուղները:

 Ադրբեջանական դիվանագիտությունը մերժել է ԵԱՀԿ Մինսկի խմբի անդամենրի կողմից առաջարված ԵԱՀԿ դիտորդների ներկայությունը շփման գծում:

 Հայկական ծագմամբ Իտալիայի քաղաքացիները շարունակում են տեսնել այս կանխամտածված գործողության մեջ ժամանակակից լուծումներով թուրքական ազգայնական քաղաքականության շարունակությունը՝ ծնված տասնիներորդ դարի վերջերին և ավարտին հասցված Միություն և Առաջադիմություն քաղաքական կուսակցության կողմից:

 Այդ քաղաքականությունը պատասխանատու է XX դարի առաջին Ցեղասպանության համար՝ իրականացված հայ ժողովրդի ամբողջականության դեմ, որն այդ ժամանակ կազմում էր Արևմտյան Հայաստանի 7 շրջանների մեծամասնությունը, և որը պատճառ հանդիսացավ ավելի քան մեկ ու կես միլիոն անմեղ զոհերի 1915 – 1922 թվականների ընթացքում: Միևնույն ժամանակահատվածում այլ փոքրամասնություններ, ինչպիսիք են ասորիները, հույները և արևելյան քրիստոնեաները զոհաբերվեցին կործանարար ծրագրի համար, որը բերեց գաղթականների թվի աճի՝ գոյատևելով դեռահասներից մի փոքր ավելին:

 Այսօր, ավելի քան մեկ դար անց, այս հանցանքները երկար ժամանակ արհամարհված նաև Արևմուտքի կողմից , անխուսափելի իրականության են վերածում էրդողանյան ազատականասպան ավտորիտարիզմը:

 Տասնյակ անմեղ քաղաքացիների մահերը, երեխաների և երիտասարդների խոցումը օգտագործվում են՝ պահպանելու Թուրքիայի և Ադրբեջանի ներքին կայունությունը, որոնք ազատության, ժողովրդավարության և մարդու իրավունքների հարգանքի համաշխարհային վարկանիշում վերջին տեղերն են զբաղեցնում: Իշխանության այս կենտրոնացմանը, հատկապես Ադրբեջանի Հանրապետությունում, համապատասխանեցվեցին խոսքի ազատության և այլախոհության սահմանափակումները՝ Ալիևների դինաստիայի կողմից օժանդակված:

 Այլևս անհանդուրժելի է տեսնել Եվրոպայի կողմից անմիջական և արդյունավետ միջամտությունների բացակայությունը՝ կանգնեցնելու նախագահ Ալիևի անբարտավանությունը, ով, օգտագործելով Լեռնային Ղարաբաղի հիմնահարցը, ճնշում է սեփական ներքին ընդդիմությանը:

Համայնքային Խորհուրդը պարտավորում է քաղաքապետին և կոլեգիալ օրգանին գործի դնել բոլոր քաղաքական և վարչական գործողությունները՝ ուղղված

 Հայցելու մեր ազգային իշխանություններից Արցախի Հանրապետոթյան ճանաչումը, մի այնպիսի քաղաքակիրթության գործողություն, որը կարող է բերել ոչ միայն ճիշտ գործողության իրականացման, այլ հատկապես վերջ դնել լռությանը, որն արդեն երկար ժամանակ է դառնում է հանցանքի հետ համաձայնության գործողություն;

 Արտահայտելու Պալերմոյի Համայնքի համերաշխությունը Արցախի Հանրապետության (Լեռնային Ղարաբաղ) ժողովրդին;

 Դատապարտելու առանց երկմտանքի ադբեջանական հերթական ագրեսիան Արցախի Հանչապետության(Լեռնային Ղարաբաղ) տարածքներում;

 Կառավարությունում խոսնակ լինելու ՝ համապատասխան լսարաններ հասցնելու Կովկասում թուրք նախագահի բազմակի միջամտությունների մտահոգությունները:

 Տալու առավելագույն հանրայնացում հարցին, որպեսզի Պալերմոյի, ինչպես նաև ողջ Իտալիայի ժողողուրդը գիտակցեն ընթացիկ և պատմական ոտնձգությունները Հայաստանի, Արցախի Հանրապետության(Լեռնային Ղարաբաղ) և ընդհանրապես բոլոր հավատամքի քրիստոնեաների, քրդերի և տարածաշրջանի այլ փոքրամասնությունների նկատմամբ:

 Հորդորելու Հանրապետության կրթության նախարարին, որպեսզի բոլոր տեսակի և մակարդակի դպրոցներում իրականացվի ուսումնասիրություն այն հիմանահարցերի շուրջ, որոնք ճնշում են տարածաշրջանը XX –րդ դարի հայկական ցեղասպանությունից ի վեր:

Պալերմո, 21/10/2020»: