ՊՆ-ն տեսանյութ է հրապարակել մարդու համար ֆոսֆորային ռումբի վտանգի մասին (տեսանյութ)
Աջակցիր «Ա1+»-ինՀ ՊՆ մամուլի խոսնակ Շուշան Ստեփանյանը Facebook-ի իր էջում որոշ տեղեկություններ է հայտնում ֆոսֆորի և դրա վտանգավորության մասին։
«Ֆոսֆորն ինքնին թունավոր նյութ է: Այն կարող է հանգեցնել ոսկորների և ոսկրածուծի վնասմանը, ինչպես նաև հյուսվածքների մահվան: Նման ռումբի ոչնչացման գոտի ընկած անձը կարող է մահացու վնասվածքներ ստանալ՝ մասնավորապես խորը այրվածքներ»,- գրել է Ստեփանյանը։
Նրա տեղեկություններով՝ անգամ բժշկական օգնություն տրամադրելիս պետք է զգույշ լինել և տեղեկացված։ Ֆոսֆորից այրվածքներ ստացած անձին օգնություն ցուցաբերող բուժաշխատողն անգամ վերքը մշակելիս կարող է այրվածքներ ստանալ։ Դրա համար էլ բուժաշխատողը պետք է վերապատրաստված լինի՝ նաև ինքն իրեն չվնասելու համար։
Այդ զինատեսակի կիրառման ապացույցները բազմաթիվ են։ Մանրամասները՝ «Զինուժ մեդիայի» տեսանյութում։