Բացել լրահոսը Փակել լրահոսը
Singapore (003)
A A
Պաշտոնական

Հայփոստը թողարկել է նոր նամականիշ` նվիրված Ասիայի տարածաշրջանում հայկական մշակութային ժառանգությանը

 Հայփոստ ընկերությունը սեպտեմբերի 17-ին շրջանառության է դրել նոր նամականիշ՝ նվիրված «Կրոն և մշակույթ. Ասիայի տարածաշրջանում հայկական մշակութային ժառանգություն. Սինգապուրի Սուրբ Գրիգոր Լուսավորիչ եկեղեցի» թեմային:

Նամականիշի վրա պատկերված է Սինգապուրում գտնվող Սուրբ Գրիգոր Լուսավորիչ եկեղեցու ճակատային մասը, ներկայացաված են հայերենով և անգլերենով գրառումներ. «Սինգապուրի Սուրբ Գրիգոր Լուսավորիչ եկեղեցի» և «Հայաստանյայց առաքելական Սուրբ եկեղեցի»:

Սինգապուրի քրիստոնեական առաջին եկեղեցին Սուրբ Գրիգոր Լուսավորիչն է, որը Սինգապուրի ամենահին շինություններից է. կառուցվել է 1835 թվականին, օծվել է 1936 թվականին: Եկեղեցին նախագծել և կառուցել է իռլանդացի հայտնի ճարտարապետ Ջորջ Քոլմանը, և այն համարվում է իր ամենահայտնի ստեղծագործությունը: Եկեղեցու շուրջ տրոպիկական խնամված այգի է՝ փոքր գերեզմանատնով, որտեղ ամփոփված են ХIХ և ХХ դարերի Սինգապուրի հայտնի հայերի աճյունները:  

 

Թողարկման օրը` 17 սեպտեմբերի 2020թ.

Դիզայնը՝ Դավիթ Դովլաթյան 

Տպարանը` Cartor, Ֆրանսիա

Չափսերը` 40,0 x 30,0 մմ

Մեկ թերթի վրա՝ 10 հ.

Տպաքանակը՝ 40 000 h.