Բացել լրահոսը Փակել լրահոսը
ՀՐԴԵՀ888
A A
Պաշտոնական

Անհայտ անձն Արցախի Թալիշ համայնքում առանձնատներ, կացարաններ և ալրաղաց է հրկիզել

Անհայտ անձն Արցախի Հանրապետության Մարտակերտի շրջանի Թալիշ համայնքում տեղակայված առանձնատներ, կացարաններ և ալրաղաց է հրկիզել: Այս մասին հայտնում է Արցախի Քննչական կոմիտեն:

Անհայտ անձը հրկիզման եղանակով դիտավորությամբ ոչնչացնելու կամ վնասելու նպատակով հրդեհել է ԱՀ Մարտակերտի շրջանի Թալիշ համայնքում տեղակայված Ն. Ա.-ին, Բ.Ս.-ին, Գ.Օ.-ին, Ա.Ա.-ին, Վ.Ա.-ին, Ն.Ս.-ին և Զ.Դ.-ին պատկանող առանձնատները և թվով երեք կացարաններ, ինչպես նաև համայնքին պատկանող ալրաղացը՝ պատճառելով նշված ֆիզիկական և իրավաբանական անձանց առանձնապես խոշոր չափերի հասնող գույքային վնաս:

Դեպքի առթիվ ԱՀ քննչական կոմիտեի տարածքային քննչական վարչության երկրորդ քննչական բաժնում ԱՀ քրեական օրենսգրքի 191-րդ հոդվածի 3-րդ մասի 1-ին կետով վարույթ ընդունված քրեական գործի նախաքննությունը շարունակվում է:

Իրականացվում են անհետաձգելի քննչական գործողություններ հանցագործություն կատարած անձին հայտնաբերելու ուղղությամբ: