Բացել լրահոսը Փակել լրահոսը
CLztvY0IPvXM6Ma3oeNlok1zoK
A A
Սպորտ Պաշտոնական

 «Արարատ» ֆուտբոլային ակումբի մի քանի ֆուտբոլիստների եւ մարզիչների մոտ կորոնավիրուս է հայտնաբերվել

Ինչպես տեղեկացնում է ՀՖՖ Մրցումների կազմակերպման և անցկացման բաժինը, «Արարատ» ֆուտբոլային ակումբը ՀՖՖ է ուղարկել նամակ՝ հայտնելով, որ «Արարատ-2» թիմի 6 ֆուտբոլիստի և «Արարատ» թիմի 2 ֆուտբոլիստի և 3 մարզչի կորոնավիրուսի թեստերի պատասխանները դրական են:

ՀՖՖ Մրցումների կազմակերպման և անցկացման բաժինը, առաջնորդվելով ՀՖՖ 2020/2021 մրցաշրջանի պրոֆեսիոնալ ֆուտբոլի մրցումների՝ կորոնավիրուսի կանխարգելման ուղեցույցի հոդված 4-ի կետ 5-ով, կայացրել է Հայաստանի Առաջին խմբի առաջին տուրի «Ալաշկերտ-2»-«Արարատ-2» հանդիպումը հետաձգելու որոշում: Հաշվի առնելով նույն ուղեցույցի հոդված 4-ի 4-րդ կետը՝ որոշվել է, որ VBET Հայաստանի Պրեմիեր լիգայի առաջին տուրի «Արարատ»-«Փյունիկ» հանդիպումը չի հետաձգվի և կկայանա նախապես սահմանված ժամկետներում:    

Այդ մասին հայտնում է ՀՖՖ կայքը: