Տիգրան Ավինյանը մանրամասնեց՝ ինչպես է մեղմացվում արտակարգ դրությունը (տեսանյութ)
Աջակցիր «Ա1+»-ինԱԺ հատուկ նիստում պարետ Տիգրան Ավինյանը ներկայացրեց, թե ինչ մեղմացումներ են սպասվում արտակարգ դրության ընթացքում:
Դիմակների մասով նա նշեց, որ անձնական ավտոմեքենաներում դիմակ կրելու պարտադիր պահանջը հանվելու է, սակայն տրանսպորտում և տաքսիներում պարտադիր կլինի:
Վերանայվելու է բացօթյա որոշ հանրային տարածքներում՝ բնության գրկում, անտառում դիմակ կրելու կանոնը:
Ավինյանը նշեց՝ բացօթյա վայրերում, հակահամաճարակային որոշակի կանոնների պահպանմամբ, կթույլատրվի երգիչների և երաժիշտների գործունեությունը: Փակ տարածքներում դեռ գործելու են սահմանափակումները:
Մանրամասներ․
ԿԱՐԵՎՈՐ. դիմակի կրման կանոններում (անձնական օգտագործման ավտոմեքենայում կամ բնության գրկում), գրադարանների, թանգարանների գործունեության և թատերահամերգային միջոցառումների վերաբերյալ փոփոխություններ դեռ չեն կատարվել, առկա կանոնները շարունակում են գործել:
Առաջիկա օրերին պարետի որոշման միջոցով այս ոլորտներում իրականացվելիք փոփոխությունների վերաբերյալ տեղեկատվություն կտրամադրվի:
‼️Իսկ ԱՅՍՕՐ ուժի մեջ են մտել հետևյալ փոփոխությունները.
✅թույլատրվում է հավաքների անցկացումը և դրանց մասնակցելը՝ սահմանված կարգով դիմակ կրելու և միմյանցից նվազագույնը 1,5 մետր հեռավորություն պահպանելու պայմանով,
✅թույլատրվում է ընտանեկան արարողությունների և ժամանցային բնույթի միջոցառումների անցկացումը՝ ոչ ավել քան 40 հոգու մասնակցությամբ և պարետի կողմից սահմանված կարգով և կանոների պահպանմամբ,
✅ՀՀ քաղաքացի չհանդիսացող անձինք կարող են օդային ճանապարհով մուտք գործել Հայաստան,
✅Հայաստանի Հանրապետության տարածք մուտք գործող անձը, եթե ախտանշաններ առկա չեն և նա չի հոսպիտալացվել, կարող է իր ընտրությամբ կամ ինքնամեկուսանալ 14-օրյա ժամկետով, կամ էլ ինքնամեկուսացման ընթացքում անցնել ՊՇՌ հետազոտություն և թեստի բացասական պատասխան ստանալու դեպքում դուրս գալ ինքնամեկուսացումից,
✅հանվել են որոշ բժշկական նշանակության ապրանքների և դեղորայքի Հայաստանի Հանրապետությունից արտահանման սահմանափակումները։