Վագոն-տնակները գտնվում են «Լիդիան Արմենիայի» օրինական տարածքում․ «Լիդիան Արմենիա» (տեսանյութ)
Աջակցիր «Ա1+»-ին«Լիդիան Արմենիան» պաշտոնական հայտարարություն է տարածել վագոն-տնակները Ամուլսարի հարակից տարածքից տեղափոխելու առնչությամբ, որի մասին այսօր ակցիայի մասնակիցների ներկայությամբ հայտարարել է Ջերմուկի համայնքապետ Վարդան Հովհաննիսյանը։ «Լիդիան Արմենիայի» հայտարարությունը ստորև․
Քիչ առաջ մամուլից տեղեկացանք, որ Ջերմուկի քաղաքապետը «Լիդիան Արմենիայի» անունից հանդես է եկել մի շարք հայտարարություններով, այդ թվում, թե իբր «Լիդիանը» համաձայնել է տեղափոխել իր վագոն-տնակները:
Հայտնում ենք, որ «Լիդիան Արմենիան» նման պայմանավորվածություն որևէ մեկի հետ ձեռք չի բերել: Վագոն-տնակները գտնվում են ընկերության օրինական տիրապետման տակ գտնվող տարածքում: «Լիդիանի» բոլոր գործողությունները օրենքի շրջանակներում են, ընկերությունը ունի բոլոր իրավունքներն ու թույլտվությունները իր օրինական տիրապետման ներքո գտնվող տարածքում կատարելու ցանկացած գործողություն, այդ թվում նաև տեղադրելու շարժական վագոն-տնակներ:
«Լիդիանը» չի բանակցելու օրենքի շրջանակներից դուրս որևէ առարկայի շուրջ:
