Բացել լրահոսը Փակել լրահոսը
116931764_10159166210029271_797770561903712609_o
A A
Հասարակություն

Բեյրութի նավահանգստում տեղի ունեցած պայթյունից զոհվել է 11 հայ. «Արևելք»

Բեյրութի նավահանգստում տեղի ունեցած պայթյունից զոհվել է 11 հայ, 250 հոգի էլ ստացել է տարբեր աստիճանի վնասվածքներ։ Նրանք եղել են Լիբանանի զանազան շրջանների բնակիչներ, սակայն պայթյունի պահին եղել են քաղաքի կենտրոնում, որը շատ մոտ է ծովափին: Այս մասին տեղեկացնում է «Արեւելքը», օգտվելով լիբանանյան աղբյուրներից։ 

Հայ զոհերի մեծ մասի անուններն արդեն հայտնի են.

Նազար Նաջարյան, Ջեսիկա Բեզջյան, Դելիա Փափազյան, Ժակ Բարամագյան, Անահիտ Բերբերյան, Լիզա Գավուքջեան-Գոզուբոյուկյան, Վարուժան Թոսունյան, Գայա Ֆոտուլյան, Սարգիս Թեքիրյան: Մյուս զոհերի անունները դեռեւս հայտնի չեն: Կան նաեւ անհետ կորած հայեր, որոնցից թե՛ հարազատները, թե՛ իրավապահները դեռեւս ոչ մի տեղեկություն չունեն: