Բացել լրահոսը Փակել լրահոսը
A A
Հասարակություն

‘’Կորոնավիրուսի դեմ ոսկե բանալի կարող է եւ չհայտնաբերվել’’. ԱՀԿ (տեսանյութ)

Ամերիկայի Ձայն

Առողջապահության համաշխարհային կազմակերպության ղեկավարը նախազգուշացնում է, որ չնայած կորոնավիրուսի դեմ պատվաստանյութի ներկա պահին ընթացող կլինիկական վերջնական փորձարկումներին, ‘’առայժմ չկա ոսկե բանալի, ու կարող է երբեք էլ այն չհայտնաբերվի’’: Թեդրոս Գեբրեյեսուսի խոսքերով, չնայած բոլոր ջանքերին, համաճարակի տարածումը կասեցնել դեռեւս չի հաջողվում: Մարդիկ պետք է շարունակեն հարգել սոցիալական հեռավորության կանոնները, պետք է կրեն դիմակներ ու հաճախ լվանան ձեռքերը: ‘Կատարե՛ք այս պահանջները’’, հորդորում է ԱՀԿ-ի ղեկավարը:

Գեբրեյեսուսն ընդունում է, որ առողջապահական նպատակներով ուժի մեջ մտած կանոնները բացասաբար են անդրադարձել տնտեսության ու հասարակության վրա: Նրա խոսքերով, հիմա երկրները կանգնած են համաճարակը վերահսկողության տակ առնելու համար ‘’դժվար ընտրության առջեւ’’:

ԱՀԿ-ի գլխավոր տնօրենը հիշեցնում է, որ այն օրից սկսած, երբ երեք ամիս առաջ հրավիրվեց կազմակերպության արտակարգ հանդիպումը, կորոնավիրուսի դեպքերի թիվն աշխարհում հնգապատկվել է, մահացությունների թիվը` եռապատկվել` հասնելով 680 հազարի: