Դեբեդի ջրերին են խառնվում լքված հանքերի և պոչամբարների թափոնները. բնապահպանն ահազանգում է (տեսանյութ)
Աջակցիր «Ա1+»-ինԴեբեդ գետի աղտոտիչներից մեկը Ալավերդի քաղաքում`Սանահինի կամուրջի մոտ, Մադան գյուղից իջնող Դեբեդ գետի վտակը, որը դեղնավուն գույն ունի, Դեբեդի ջրերին են խառնվում հին, լքված հանքերի և պոչամբարների թափոնները: Այս մասին իր ֆեյսբուքյան էջում գրել է բնապահպան Օլեգ Դուլգարյանը, ով նաեւ տեսանյութ է հրապարակել:
«Երբ որ համայնքապետին կամ ավագանիներին առաջարկում ենք բնապահպանական գումարներն ուղղել թափոնների կառավարմանը, դա այդքան էլ ոգեւորությամբ չի ընդունվում եւ գումարներն այդ ուղղությամբ չեն ծախսվում: Դա Դեբեդ գետի աղտոտիչներից մեկն է, հիմնական աղտոտիչը բաժին է ընկնում Ախթալա վտակը: Յուրաքանչյուր անձրեւից հետո այստեղ այսպես ակտիվանում է եւ դեղին ջրերը խառնվում են Դեբեդի ջրերին»,- ասում է նա` հավելեով, որ այդ ջրերով մոտ 20 գյուղեր են ոռոգում ստանում:
Բնապահպանը նաեւ խնդիրը լուծելու համար առաջարկում է, որ համայնքներն ու Կառավարությունը կազմեն հստակ ծրագրեր, մշակեն ռազմավարություն, փնտրեն միջոցներ խնդրի լուծմանն ուղղելու համար: