Լուկաշենկոն ռուսական կողմից բացատրություն է ակնկալում. Պուտինը կկրկնի՞ նախկին ասածը «Վագներ» -ի մասին
Աջակցիր «Ա1+»-ինԲելառուսում քրեական գործ է հարուցվել մի քանի տասնյակ ռուսաստանցիների նկատմամբ, ովքեր կասկածվում են երկրում ահաբեկչություն կազմակերպելու փորձի մեջ: Նրանք «Վագներ» մասնավոր ռազմական ընկերության անդամներ են,որոնք ձերբակալվել էին
Նշվում է, որ ձերբակալվածներն արդեն սկսել են ցուցմունք տալ:
Երկրի նախագահ Ալեքսանդր Լուկաշենկոն տեղի ունեցածն անվանել է արտակարգ դեպք եւ պահանջել Ազգային անվտանգությունից ռուսական կողմից բացատրություն ստանալ, հայտնում է BBC-ն:
Ի դեպ, 2018թ-ին անդրադառնալով «Վագների խմբին»՝ ՌԴ նախագահ Վլադիմիր Պուտինն ասել էր, որ եթե նրանք Ռուսաստանում օրենք խախտեն, կտա գնահատական գլխավոր դատախազությունը։
Ինչ վերաբերում է երկրի սահմաններից դուրս գործունեությանը, ապա. «Կրկնում եմ, նրանք չեն խախտում ՌԴ օրենքը, ունեն իրավունք աշխատելու եւ ընդլայնել իրենց բիզնես հետաքրքրությունները մոլորակի ցանկացած կետում»,-ասել էր նա։