ՀԱՀ-ը Ֆիրդուսի թաղամասի կառուցապատման շուրջ իր պահանջներն է ներկայացնում Կառավարությանը
Աջակցիր «Ա1+»-ինՀԱՄԱՀԱՅԿԱԿԱՆ ԱԶԳԱՅԻՆ ՀԱՄԱՁԱՅՆՈՒԹՅՈՒՆԸ ՀՀ կառավարությունից պահանջում է՝
1- Կարգավորել օրենսդրական դաշտը և քաղքաշինական ծրագրերի նկատմամբ ճանաչված գերակա շահն ի վերջո ծառայեցնել ի օգուտ քաղաքի բարեկարգման, այլ ոչ թե ի օգուտ մասնավոր կառուցապատողի, ինչը մշտապես տեղի է ունեցել կոռումպաց-ված ՀՀ վարչակազմերի օրոք։
2- Հայտարարել ճարտարապետական նոր մրցույթ, որի առաջադրանքը հստակորեն պետք է համապատասխանի Երևանի կենտրոնի գոտևորման նախագծին՝ հաշվի առնելով կլիմայի փոփոխությամբ պայմանավորված բնակչության կյանքին ու առողջությանը սպառնացող ջերմային ալիքների ինտենսիվության ու տևողության շարունակվող աճը, որի մեղմացման համար անհրաժեշտ է ընդլայնել ծառերով կանաչապատված տարածքները, բացառելով գերխիտ կառուցապատման հնարավորությունը, սահմանափակելով կառուցապատվող մակերեսների հարկայնությունը և պահպանելով գոյություն ունեցող հուշարձան-կառույցները:
3- Հստակ գնահատական տալ ՀՀ նախկին վարչակազմերի օրոք տեղի ունեցած քաղաքաշինական կամայական գործընթացներին, բացահայտել տարիներ ի վեր Երևանը քաղաքաշինական աղետի առաջ կանգնեցնող, գերշահույթ կորզող ներդրողների և կոռումպացված վարչական ատյանների միջև տեղի ունեցած անօրեն գործարքները, և այդ ամենն արտոնած ու արտողնող պետական պաշտոնեաներին կանչել պատասխանատվության:
4- Ֆիրդուսի թաղամասում կառուցապատողն այսուհետ պետք է պարտավորված լինի առաջնորդվել Երևանի կենտրոնի գոտևորման նախագծով և հանրային ու մասնագիտական քննարկումներով անցած ճարտարապետական նոր մրցույթի արդյունքում ընտրված նոր նախագծով:
ՀԱՀ մտավորականների խորհուրդ,
համակարգող՝ Արթուր Արմին Բաբայան
ՀԱՀ քաղաքական կուսակցությունների խորհուրդ,
համակարգող՝ Գևորգ Հովսեփյան,
ՀԱՀ հասարակական կազմակերպությունների
և նախաձեռնությունների խորհուրդ,
համակարգող՝ Աշոտ Աշոտյան