Քիչ առաջ հակառակորդը կրկին հարձակում է ձեռնարկել մեր դիրքի ուղղությամբ (լրացված)

Քիչ առաջ հակառակորդը կրկին հարձակում է ձեռնարկել «Անվախ» դիրքի ուղղությամբ ու կորուստներով հետ է շպրտվել։ «Սպեցնազը» մնացել է ծուղակում։

Ֆեյսբուքի իր էջում գրել է Արծրուն Հովհաննիսյանը։

------

Այսօր ժամը 22:30-ին «Անվախ» դիրքի ուղղությամբ հակառակորդի հատուկ նշանակության ստորաբաժանումը ձեռնարկել է հերթական հարձակումը:

Այս մասին տեղեկացրել է ՀՀ ՊՆ խոսնակ Շուշան Ստեփանյանը։

«Հայկական ԶՈւ ստորաբաժանումը հետ է մղել հակառակորդի գրոհը` պատճառելով զգալի կորուստներ

Ըստ նախնական տվյալների` հակառակորդի հատուկ նշանակայինները բացի կորուստներից ունեն նաև ծուղակում մնացած զինծառայողներ։

Հայկական կողմը կորուստներ չունի»,- տեղեկացրել է ՊՆ խոսնակը:

Ավելի ուշ Պաշտպանության նախարարության խոսնակ Շուշան Ստեփանյանը Ֆեյսբուքում գրեց. - «Չնայած 00:47-ի դրությամբ կրակոցներ չկան, այնուամենայնիվ, արձանագրեմ՝ Ադրբեջանի ԶՈՒ ղեկավարությունը չի տիրապետում իրավիճակին»։