A
A
Հրաշալի բան է դիմակը․ Դոնալդ Թրամփն առաջին անգամ դիմակ է դրել
Աջակցիր «Ա1+»-ինԱՄՆ նախագահ Դոնալդ Թրամփը կորոնավիրուսի պանդեմիայի ընթացքում առաջին անգամ հրապարակավ բժշկական դիմակով է հայտնվել։ Այս մասին տեղեկացնում է ՌԻԱ Նովոստին։
Պետության ղեկավարն այցելել է Վաշինգտոնի արվարձանի Walter Reed հոսպիտալ, որտեղ բուժվում են նաեւ մարտական գործողությունների գոտում վերքեր ստացած զինծառայողները: Թրամփը հայտնվել է մուգ կապույտ դիմակով։ Դիմակը զարդարված էր նախագահական ոսկե կնիքով։
«Ես կարծում եմ, որ հրաշալի բան է դիմակը։ Ես երբեք դեմ չեմ եղել դիմակներին։ Բայց ամեն ինչ իր տեղն ու ժամանակն ունի», - լրագրողներին ասել է Թրամփը։
Նախկինում ԱՄՆ նախագահը հանրային միջոցառումների ընթացքում դիմակ չի կրել, թեև խորհրդածել է այն մասին, որ դիմակով լավ տեսք կունենա՝ համենայն դեպս, վեսթերն ֆիլմերի հերոսներից ոչ վատ։
