A
A
Հայաստանի ֆուտբոլի գավաթը կվիճարկեն «Արարատ-Արմենիան» ու «Նոան»
Աջակցիր «Ա1+»-ինՀայաստանի ֆուտբոլի գավաթի խաղարկության կիսաեզրափակիչ փուլի պատասխան խաղում «Արարատ-Արմենիան» հյուրընկալվելիս հաղթեց «Գանձասար-Կապանին» և իր պատմության առաջին անգամ մտավ եզրափակիչ:
Երեք ամիս առաջ կայացած առաջին խաղում նվազագույն՝ 1:0 հաշվով, հաղթանակ էին տարել արարատցիները: Դա նշանակում էր, որ եզրափակիչ մտնելու համար կապանյան ակումբին հարկավոր է հաղթել երկու և ավելի գնդակների առավելությամբ: Սակայն, Հայաստանի գործող չեմպիոնը կրկին անառիկ պահեց սեփական դարպասը՝ միաժամանակ երկու անպատասխան գնդակ խփելով մրցակցին: Աչքի ընկան Անջելո Մենեզեսն ու Յոն Գուֆրանը:
Այդպիսով, Հայաստանի գավաթի եզրափակիչում միմյանց հետ կհանդիպեն «Արարատ-Արմենիան» ու «Նոան», որոնք առաջին անգամ կվիճարկեն պատվավոր մրցանակը: Խաղի անցկացման օրը և վայրը դեռ որոշված չէ:
