A
A
Քրիշտիանու Ռոնալդուն 2 տարում գերազանցել է 12 տարվա ընթացքում գրանցած ռեկորդը
Աջակցիր «Ա1+»-ինԹուրինի «Յուվենթուսի» հարձակվող Քրիշտիանու Ռոնալդուն նոր ռեկորդ է սահմանել:
Ինչպես նշում են իտալական լրատվամիջոցները, վերսկսած առաջնության 27-րդ տուրի խաղում նա գրավելով «Բոլոնյայի» դարպասը, Ա սերիայում խփած իր գոլերի քանակը հասցրել է 43-ի: Այդպիսով, նա դարձել է Ա սերիայում հանդես եկած ամենաարդյունավետ պորտուգալացի ֆուտբոլիստը:
Մինչ այդ ռեկորդը պատկանում էր Մանուել Ռուի Կոշտային, որը 1994-2006թթ հանդես գալով «Ֆիորենտինայում» և «Միլանում», դարձել էր 42 գոլի հեղինակ: Հիշեցնենք, որ Ռոնալդուն ընդամենը երկրորդ մրցաշրջանն է անցկացնում Իտալիայում:
Հավելենք, որ նա նաև պորտուգալացի լավագույն ռմբարկուն է Անգլիայի և Իսպանիայի առաջնություններում. Պրեմիեր լիգայում Ռոնալդուն խփել է 84, իսկ Լա Լիգայում՝ 311 գոլ: