Պահպանողականները կոչ են անում ՀՀ իշխանությանը այսօր հիշատակի խոսք ասել

Հունիսի 14-ը բռնադատվածների հիշատակի օրն է։ Օրվա առիթով Պահպանողական կուսակցությունը հայտարարություն է արել։

Այն ստորեւ․

Պահպանողական կուսակցությունը  հիմք ընդունելով՝

• ԵԽԽՎ 1481 բանաձևը,
• «Հայաստանի Հանրապետության տոների եվ հիշատակի օրերի մասին» Հայաստանի Հանրապետության օրենքում լրացում կատարելու մասին Հայաստանի Հանրապետության օրենքը,
• «Բռնադատվածների մասին» Հայաստանի Հանրապետության օրենքը,

- կարևորելով՝

• միջազգային հանրության հետ համատեղ ուժերով մարդկության դեմ հանցագործությունների դատապարտմանը և կանխարգելմանն ուղղված ջանքերում հայ ժողովրդի ներդրումը,
• Հայաստանի հանրապետության՝ որպես քաղաքակիրթ աշխարհի հարազատ մաս զարգանալու տեսլականը,

- կոչ է անում

• ՀՀ Նախագահին, ՀՀ Վարչապետին, ՀՀ ԱԺ նախագահին, ԱԺ խմբակցությունների ղեկավարներին, դատական իշխանություններին և Ամենայն հայոց կաթողիկոսին՝ ՀՈՒՆԻՍԻ 14-ին հարգանքի տուրք մատուցել խորհրդային բռնազավթման տարիներին բռնադատված բազմամիլիոն անմեղ մարդկանց հիշատակին՝ այցելել հուշարձան, հիշատակի խոսք ասել:
• ՀՀ քաղաքացիներին՝ Չարիքի կայսրության զոհերի հիշատակի ոգեկոչմամբ նոր իշխանություններին սատարել իրապես Ազատ և Անկախ պետականության ուղին համարձակորեն ընտրելու գործում:

Պահպանողական կուսակցության կենտրոնական խորհուրդ