Եթե ես որևէ խախտում եմ արել, կկրեմ դրանից բխող պատասխանատվությունը․ Արտակ Դավթյանի պարզաբանումը
Աջակցիր «Ա1+»-ինՀայաստանի Հանրապետության զինված ուժերի գլխավոր շտաբի պետ, գեներալ-լեյտենանտ Արտակ Դավթյանը պարզաբանում է ներկայացրել լրատվամիջոցներում շրջանառվող տեղեկատվության մասին՝ կապված իր որդու հարսանյաց արարողության հետ․
ՀՀ ԶՈՒ գլխավոր շտաբի պետի պարզաբանումը․
«Օրենքի առաջ բոլորն են հավասար, և եթե ես որևէ խախտում եմ արել, կկրեմ դրանից բխող պատասխանատվությունը: Իհարկե, ըստ իս, խախտում չի եղել, բայց թող դա պարզեն համապատասխան մարմինները: Պարզապես ուզում եմ հիշեցնել՝ բոլորն ունեն անձնական կյանքի իրավունք: Հորդորում եմ որոշ մարդկանց, լրատվամիջոցների չմտնել իմ և իմ ընտանիքի անձնական տարածք և փորձ չանել ինձ ներառել քաղաքական խաղերի մեջ»:
Հիշեցնենք, որ ավելի վաղ տեղեկություններ էին հայտնվել այն մասին, որ չնայած արտակարգ դրությանը՝ Արտակ Դավթյանի առանձնատանը տեղի է ունեցել նրա որդու հարսանեկան արարողությունը։
