ՀՀ ԿԳՄՍ նախարարը հեռախոսազրույց է ունեցել Արցախի իր գործընկերոջ՝ Լուսինե Ղարախանյանի հետ

ՀՀ ԿԳՄՍՆ Արայիկ Հարությունյանը տեղեկացնում է, որ հեռախոսազրույց է ունեցել Արցախի Կրթության նորանշանակ նախարարի հետ։

«Այսօր հեռախոսազրույց եմ ունեցել Արցախի Հանրապետության կրթության, գիտության և մշակույթի նորանշանակ նախարար Լուսինե Ղարախանյանի հետ: Նրան մաղթել եմ արդյունավետ աշխատանք, առաջընթաց իր ղեկավարած ոլորտներում, ինչպես նաև առաջարկել մեր նախարարության աջակցությունը ու փոխանցել համագործակցության պատրաստակամությունը։ Ի դեպ, տիկին Ղարախանյանի հետ առաջին կարճատև հանդիպումն ու զրույցը կայացել էր այն ժամանակ, երբ Արցախի Հանրապետության նախագահ Արայիկ Հարությունյանի երդմնակալության արարողությանը ներկա լինելու նպատակով Ստեփանակերտում էի։

✅Հեռախոսազրույց եմ ունեցել նաև գերատեսչությունը մինչ այս ղեկավարած Նարինե Աղաբալյանի հետ, նրան շնորհակալություն եմ հայտնել համագործակցության համար և հույս հայտնել, որ ապագայում ևս տիկին Աղաբալյանը կշարունակի աջակցել ոլորտների զարգացմանը` գործի դնելով անցած տարիներին ձեռք բերած հսկայական փորձը»,- գրել է նախարարը։