7-ամյա երեխայի ծնողները որպես բռնարարներ վերցվել են հաշվառման. Նելլի Դուրյան
Աջակցիր «Ա1+»-ինՈստիկանության քրեական հետախուզության երրորդ վարչության պետ, ոստիկանության գնդապետ Նելլի Դուրյանը ֆեյսբուքյան իր էջում գրում է.
«Երեկ համացանցում տեղեկություն էր տարածվել 7-ամյա Ալեքս Ստեփանյանին բռնության ենթարկելու մասին: Տեղեկացնեմ, որ դեպքն անմիջապես հայտնվեց ոստիկանության ուշադրության կենտրոնում, և երեկվանից ոստիկանությունը զբաղվում է այդ հարցով: Երեխան տեղափոխվել է աջակցության կենտրոն: Ծնողների նկատմամբ կիրառվել են անհետաձգելի միջամտության պաշտպանական միջոցներ: Նրանք ոստիկանության տարածքային բաժնում, որպես բռնարարներ, վերցվել են հաշվառման:
Բռնության փաստով նյութեր են նախապատրաստվում»:
Հիշեցնենք, որ նախօրեին ԱԺ ԲՀԿ-ական պատգամավոր Նաիրա Զոհրաբյանը Ֆեյսբուքի իր էջում հայտնել էր, որ մոր ամուսինը 7-ամյա երեխային ստիպել է օղի խմել, քաղցած է պահել։