Բացել լրահոսը Փակել լրահոսը
A A
Տեսանյութեր Հասարակություն

Ժողովրդից գողացված հեղափոխությունը վերադարձվելու է ժողովրդին․ Արսեն Բաբայան (տեսանյութ)

Ազգային ժողովի աշխատակազմի նախկին ղեկավար, «Հայրենիք» զարգացման հիմնադրամի գրասենյակի ղեկավար, իրավաբան Արսեն Բաբայանը վստահ է, որ ենթարկվում է քաղաքական հետապնդման։ Այս մասին այսօր դատական նիստից հետո լրագրողների հետ զրույցում ասաց նա։ 

Բաբայանը և Ազգային ժողովի նախկին նախագահ Արա Բաբլոյանը մեղադրվում են պաշտոնեական լիազորությունների չարաշահման և պաշտոնեական կեղծիք կատարելու մեջ։

«Ապօրինի ձերբակալությունիցս 2-3 օր առաջ, իրար հետևից երկու հարցազրույցում ուղիղ քննադատեցի  քաղաքական իշխանության ղեկավարին, Փաշինյանի ապիկար կառավարումը, երկակի ստանդարտներն արդարադատության իրականացման ոլորտում և ընդհանրապես այն ամենը, որ հիմա տեսնում ենք»,- ընդգծեց նա։

Ըստ Բաբայանի՝ քննադատաություններն էին պատճառը, որ առանց հիմքի իրեն ձերբակալեցին և հետո կալանավորեցին։ Իրավաբանը վստահեցրեց, որ որևէ քաղաքական ճնշում իրեն չի կանգնեցնելու և ժողովրդից գողացված հեղափոխությունը վերադարձվելու է ժողովրդին։ 

Մանրամասները՝ տեսանյութում։