Բացել լրահոսը Փակել լրահոսը
A A
Տեսանյութեր Հասարակություն

Հանրային միջոցառումներին մասնակցող անձանց թիվը 20-ից նվազեցվել է 5-ի. Ավինյան (տեսանյութ)

Մարզասրահների, մոլերի վերաբերյալ սահմանափակումները ևս հանվում են, բայց հստակ նշված են կանոններ նրանց գործունեության վերաբերյալ և շատ շուտով պարետի որոշումը կհրապարակիվի: Այս մասին այսօր Ազգային ժողովի հատուկ նիստում հայտարարեց ՀՀ փոխվարչապետ Տիգրան Ավինյանը՝ ի պատասխան ԱԺ փոխնախագահ Ալեն Սիմոնյանի հարցին:

Ալեն Սիմոնյանը հետաքրքրվեց նաև՝ ի՞նչ փոփոխություններ են նախատեսված Հայաստան վերադարձած համաքաղաքացիների համար:

Տիգրան Ավինյանը տեղեկացրեց, որ վաղվանից է իրականացվելու փոփոխություններ և այն անձինք, ովքեր վերադառնում են՝  ինքնամեկուսացվելու են, նրանց հետ սակայն, պարետատունը մշտական կապ է պահպանելու:

Անկախ պատգամավոր Արման Բաբաջանյանի հարցը վերաբերում էր եկեղեցուն, հետաքրքրվեց, թե ինչ փոփոխություններ է լինելու պատարագների և ժամերգությունների հետ կապված:

Ավինյանը նշեց՝ քանի որ հանրային միջոցառումներին մասնակցող անձանց թիվը 20-ից նվազեցվել է 5-ի, եկեղեցու գործունեությունը պետք է լինի այս տրամաբանության մեջ:

Սահմանփակումներով են կազմակերպվելու նաև հոգեհանգստի և թաղման արարողությունները,-հայտնեց Ավինյանը:

Քննարկումների ընթացքում հստակեցվեց, որ հանրային բաց վայրերում պարտադիր կլինի ոչ թե դիմակների կրումը, այլ քաղաքացիների մոտ դրա առկայությունը: