Հանրային հեռուստաընկերությունը վստահեցնում է, որ իրենց մոտից որևէ տեսանյութի արտահոսք չի եղել
Համացանցում տարածվում է ՀՀ վարչապետ Նիկոլ Փաշինյանի երեկվա ուղերձի ընթացքում արված այն կադրերը, որոնք դուրս են մնացել եթերից:
Համացանցում շատ են քննարկումները, որ կադրերի արտահոսքը եղել է Հանրային հեռուստաընկերությունից:
Հանրային հեռուստաընկերությունը շտապելլ է հանդես գալ հայտարարությամբ, որը ներկայացնում ենք ստորեւ․
Հարգելի հեռուստադիտողներ,
ցանկանում ենք տեղեկացնել, որ համացանցում շրջանառվում են ՀՀ վարչապետի ելույթի տեխնիկական փորձից կադրեր, որոնք արվել և արվում են բոլոր ուղիղ եթերներից առաջ և նախատեսված չեն հեռարձակման համար: ՀՀ Կառավարության հորդորով՝ Հանրային հեռուստաընկերությունն ապահովել է բաց կապուղի, որից օգտվել են նշված հեռուստաընկերությունները.
1. Արմենիա ԹիՎի
2. Շանթ
3. Միր
4. Հ2
5. ԱՐ
6. Կենտրոն
7. Երկիր Մեդիա
8. 5-րդ ալիք
Բոլոր վերահեռարձակող հեռուստաընկերությունները եթերին նախապատրաստվելու համար ստանում են այդ տեխնիկական տեսաազդանշանը՝ ուղիղ եթերի հեռարձակմանը նախապատրաստվելու համար: Այսինքն ՀՀ Վարչապետի եթերը վերահեռարձակող բոլոր հեռուստաընկերություններն էլ ստացել են այդ տեխնիկական տեսաազդանշանը: Հանրային հեռուստաընկերությունից որևէ տեսանյութի արտահոսք չի եղել:
