Բժիշկների հետ միասին ուսուցիչներն այն մեծ խումբն են, որ աջակցում են բնականոն աշխատանքին. Արայիկ Հարությունյան (տեսանյութ)
Աջակցիր «Ա1+»-ինԿԳՄՍ նախարար Արայիկ Հարությունյանը այսօր իր ֆեյսբուքյան էջում անդրադարձավ հեռավար կրթության առկա խնդիրներին և նախարարության կողմից մշակվող ծրագրերին:
Իր խոսքի սկզբում նախարարը շնորհակալություն հայտնեց ուսուցիչներին հեռավար կրթության իրականացման համար նշելով, որ այս ներգրավվածությունը և ոգևորությունը անսապաելի էր իր համար և սկզբանական շրջանում մտավախություն ուներ:
«Ասեմ, որ մեր բժիշկների հետ միասին արտակարգ դրության օրերին ուսուցիչները այն մեծ խումբն են, որոնք միանշանակ աջակցում են Հայաստանի բնսկանոն գործընթացների իրսկանացմանը՝ ապահովվելով մեր աշակերտների կրթության իրավունքը: Այս տեսակապը նրա համար է որ կոչ անեմ նույն ոգևորությամբ շարունակենք և սա հնարավորություն է մեր կրթական համակարգը բարձրացնելու համար»:
Նախարարը նշեց, որ ստեղծված իրավիճակը պետք է, որպես հնարավորություն դիտարկել և զարգացնել կրթության հեռավար համակարգը:
«Մենք կարող ենք մեծ բաների մասին խոսել բայց եթե ձեզ՝ որպես գործընկեր չունենանք, այդ գործիքները կիրառել հնարավոր չի լինի: Մենք չորեքշաբթի օրվանից բացեցինք հեռավար կրթության կայքը և այդ կայքում դրեցինք այն հարթակները, որոնք պետք է օգտագործվեն: Մենք առաջիկայում նոր հարթակներ կզարգացնենք»:
Նախարաը նշեց, որ կան մարզեր, որտեղ աշակերտները ունեն համակարգչի և ինտերնետային կապի խնդիր, սակայն այժմ գույքագրվում են այդ ամենը և հնարավոր է , որ դպրոցների առկա համակարգիչները հնարավորության դեպքում տրամադրվեն այն ուսուցիչներին, որոք համակարգչի խնդիր ունեն:
«Շատերը հարցնում են, թե արտակարգ դրությունից հետո արդյո՞ք լրացուցիչ դասերի կարիք ունենալուենք թե ոչ: Դա կապված է յուրաքանչյուրիցս՝ կլինե՞ն ավել դասեր և որքա՞ն ժամանակ կտևեն: Թե ուսուցիչների և թե տնօրենների հետ կգնահատենք կատարված աշխատանքները, եթե անհրաժեշտություն լինի մի քանի լրացուցիչ դաս կավելացվեն»:
Արայիկ Հարությունյանը նաև տեղեկացրեց, որ ստեծվել է էլեկտրոնային մատյան, որը ուսուցիչները պետք է լրացնեն, որպեսզի տեսանելի լինի նախարարության կողմից գնահատականները և թեմաները: