«Միանում եմ խմբագիրների հայտարարությանը, սա ոչ իրավաչափ սահմանափակում է մամուլի գործունեության համար».պատգամավոր (տեսանյութ)
Աջակցիր «Ա1+»-ինՎարչական վարույթը ո՞ր մարմիններն են իրականացնելու։ ԱԺ արտահերթ նիստին՝ Արդարադատության փոխնախարարից հետաքրքրվեց «Լուսավոր Հայաստան» խմբակցության ղեկավար Էդմոն Մարուքյանը՝ անդրադառնալով մեկուսացման և ինքնամեկուսացման պահանջները խստացնող օրենքների նախագծերի փաթեթին։
Փոխնախարար Վահե Դանիելյանն ասաց, որ Ոստիկանությունն է վարչական վարույթը իրականացնելու։ Էդմոն Մարուքյանը անդրադարձավ նաև պարետատան կողմից ԶԼՄ-ների որոշ հրապարակումներ հեռացնել տալուն։
«Այս օրերին մենք տեսնում ենք, որ պարետատունը սահմանափակումներ է մտցնում՝ խուճապը տարբեր ձևերով մեկնաբանելով։ Օրինակ՝ այ, Ձեր գրառումը խուճապ է հարուցում, և այլն, ու պարտադրում են դրանք հեռացնել, հիմա մարդկանց տուգանելու են։ Կարծում եմ, որ այստեղ էլ որոշակիության խնդիր ունենք, որովհետև սա պրոբլեմ է։ Միանում եմ խմբագիրների հայտարարությանը, որ սա նաև ոչ իրավաչափ սահմանափակում է մտցնում մամուլի գործունեության առումով։ Հիմա այս մասով արդեն տուգանքներ են մտցնում, եթե պարետատունը այս ձևով է շարունակելու, սա շատ մտահոգիչ է»,- ընդգծեց ԼՀԿ ղեկավարը։
Վահե Դանիելյանը, արձագանքելով Էդմոն Մարուքյանին, ասաց.
«Այո, վերաբերում է կորոնավիրուսի դեպքերին և ինչո՞ւ է սահմանված կորոնավիրուսի դեպքերի արգելքը, սահմանված է, որպեսզի խուճապ չառաջացնի։ Բայց եթե կա մեկ այլ տեղեկատվություն, որը խուճապային է և ազգաբնակչության մեջ խուճապ է առաջացնելու, համադրելով նաև կորոնավիրուսի դեպքերը, ապա, տրամաբանորեն, նման արգելք ևս պետք է լիներ»։