Բացել լրահոսը Փակել լրահոսը
A A
Տեսանյութեր Հասարակություն

Ինչպես են պահպանվում հակահամաճարակային անվտանգության կանոնները վարորդական վկայական ստանալիս (տեսանյութ)

Մարտի 20-ին ոստիկանության պետի տեղակալ Հայկ Մհրյանն այցելել է  ճանապարհային ոստիկանության Երևանի հաշվառման-քննական ստորաբաժանում։ Ըստ ոստիկանության մամլո ծառայության՝ այցի նպատակն էր` ստուգել արտակարգ դրության պայմաններում ստորաբաժանման ծառայությունն ու պաշտպանվածությունը կորոնավիրուսից։

Ոստիկանության պետի տեղակալը եղավ տրանսպորտային միջոցների հաշվառման սրահում, հետևեց վարորդական իրավունքի վկայական ստանալու համար տեսական ու գործնական քննությունների ընթացքին։

Այցի ընթացքում հաշվառման-քննական ստորաբաժանման ղեկավար Արմեն Սարգսյանը ներկայացրեց ծառայության մանրամասները։

Հայկ Մհրյանը մատնանշելով թերությունները՝ խիստ հանձնարարական տվեց պահպանել հակահամաճարակային անվտանգության կանոնները և քաղաքացիներին մատուցել բարձրորակ ծառայություն։

Ոստիկանության հայտարարությունը այդ այցից հետո․

«Հարգելի՛ քաղաքացիներ, ևս մեկ անգամ կոչ ենք անում հաշվառման-քննական ստորաբաժանումներ կամ վարչական շենքեր այցելել առանց ուղեկցող կողմնակի անձանց, հնարավոր բոլոր գործողություններն իրականացնել roadpolice.am էլեկտրոնային հարթակի, իսկ վարչական ակտերի բողոքարկման, տեղեկատվություն ստանալու, տուգանքի վճարումը տարաժամկետելու կամ տրանսպորտային միջոցի վերասարքավորման դիմումները ներկայացնել [email protected] էլեկտրոնային փոստի միջոցով»։